ചൊവ്വാഴ്ച, ജൂൺ 08, 2010


കാലത്തിനോട് രണ്ട് കുത്തുവാക്കുകള്‍

ഒന്ന്

കൊഴിഞ്ഞു പോയ
നിന്റെ മുടിയിഴകള്‍
എന്റെ കുട്ടിക്കാലമാണ്

ഓരോ മുടിയിഴകളും
തിരഞ്ഞ്
പിച്ച വയ്ക്കുന്ന
കുഞ്ഞുപാദങ്ങളാണ്
ഇപ്പോള്‍ സ്നേഹം

നരച്ച് പോയ
നിന്റെ ഓരോ
മുടിയിഴകളിലും
അമ്മയുടെ
പേര് എഴുതിയിട്ടുണ്ട്

മുടി രണ്ടും
മുന്നിലേക്ക് പിന്നിയിടുന്ന
ആ കാലത്ത്
നീയെവിടെയായിരുന്നു

രണ്ട്

ഒരു രാത്രിയില്‍
എനിക്ക് തണുക്കുമെന്നോര്‍ത്ത്
നീയൊരു പുതപ്പ് തന്നു

നിനക്ക് തണുത്തപ്പോള്‍
നിന്റെ അമ്മ
തന്നതായിരുന്നു അത്

ഈ പ്രഭാതത്തില്‍
മകള്‍
അത് പുതച്ചുറങ്ങുന്നു

നമ്മുടെ തണുപ്പ്
ഏത് വെയില്‍ കൊണ്ട് പോയി

22 അഭിപ്രായങ്ങൾ:

Vineeth Rajan പറഞ്ഞു...

മുടി രണ്ടും
മുന്നിലേക്ക് പിന്നിയിടുന്ന
ആ കാലത്ത്
നീയെവിടെയായിരുന്നു....

കേവലം വാക്കുകളുടെ ചേര്ത്തൊട്ടിക്കലാവുന്നില്ല ഈ കവിത....ഇവിടെ എവിടെയോ മുഴങ്ങിക്കേള്‍ക്കുന്ന ഒരച്ഛന്റെ സ്നേഹവായ്പുകളുണ്ട്..അതിലെല്ലാമുപരി കാലം കവര്‍ന്നെടുത്ത ഓര്‍മ്മകളുടെ നീറ്റലുണ്ട്....

ചിത്ര പറഞ്ഞു...

രണ്ടാമത്തെ കുത്തുവാക്കിനു മൂര്‍ച്ച കൂടുതല്‍..

ഉപാസന || Upasana പറഞ്ഞു...

വായിച്ചു ഭായ്.
:)

അഭി പറഞ്ഞു...

കൊള്ളാം മാഷെ

Sethunath UN പറഞ്ഞു...

Randamathe Bhagam evideyokkeyo kondu Wilson!

വിഷ്ണു പ്രസാദ് പറഞ്ഞു...

നമ്മുടെ തണുപ്പ്
ഏത് വെയില്‍ കൊണ്ട് പോയി?
കരുതല്‍...ഈ കവിതയിലുമുണ്ടത്.

ബിനീഷ്‌തവനൂര്‍ പറഞ്ഞു...

aa veyilum thonniya thanupum oridath thanneyulla rithubedangalalle?

രാജേഷ്‌ ചിത്തിര പറഞ്ഞു...

വിത.....

വെയിലില്‍ വിറയ്ക്കുന്ന കാലത്തിന്റെ കയ്യൊപ്പ് !

Melethil പറഞ്ഞു...

രണ്ടാമത്തേത്‌ നന്നായി, ടച്ചിംഗ്!

Abdulkader kodungallur പറഞ്ഞു...

മുടി രണ്ടായി പിന്നിയിട്ടാല്‍ 
പ്രേമമുണ്ടെന്ന് നിശ്ചയം 
അതിലൊന്നു മുമ്പിലേക്കിട്ടാല്‍ 
തന്നോടാണെന്ന് സംശയം .

മുടിയില്ലാമുടിയന്റെ ദുഖം .
നന്നായിരിക്കുന്നു.

കെ.കെ.എസ് പറഞ്ഞു...

പുതച്ചും പുതപ്പിച്ച്ചും കാലം കടന്നു പോകുന്നു....
മുഖങ്ങള്‍ മാറുന്നു ,പക്ഷെ കഥയെന്നും പഴയത് തന്നെ .....
വാക്കുകള്‍ മാറുന്നു ,പക്ഷെ നമുക്കെന്നും പറയാനുള്ളത് ഒന്ന് തന്നെ...
വില്‍സണ്‍ നല്ല കവിത....ആശംസകളോടെ.....r

ACB പറഞ്ഞു...

nannayittundu....

കടല്‍മയൂരം പറഞ്ഞു...

കൈമാറി കൈമാറി അങ്ങിനെ......
ആശംസകള്‍

പ്രവാസം..ഷാജി രഘുവരന്‍ പറഞ്ഞു...

നല്ല വായന ..
ഇഷ്ട്ടമായി ഈ എഴുത്ത്
ഭാവുകങ്ങള്‍ .....

G.MANU പറഞ്ഞു...

വിത്സാ............

ധന്യാദാസ്. പറഞ്ഞു...

നമ്മുടെ തണുപ്പ്
ഏത് വെയില്‍ കൊണ്ട് പോയി

ഒരു കവിത വായിച്ച സന്തോഷത്തോടെ..

Jishad Cronic പറഞ്ഞു...

നന്നായി...

Pranavam Ravikumar പറഞ്ഞു...

>>നമ്മുടെ തണുപ്പ്
ഏത് വെയില്‍ കൊണ്ട് പോയി
<<

Kollaaam!

Happy Onam!

naakila പറഞ്ഞു...

ജീവിതം എങ്ങനെയെല്ലാം വരയ്ക്കുന്നു നമ്മള്‍

SUJITH KAYYUR പറഞ്ഞു...

Veritta shabdam

Mahi പറഞ്ഞു...

ketti pitikkaan thonnunnu.inganaye ee kavithaykk comentezhuthaanavoooooooooooo

dha blueizh fiZzzZh...!!!! പറഞ്ഞു...

Nee enna veyil kond poyi...!!!